call us now

251 1 911 23 08 57 / 60 76 06

Child Development & Black Box

መልእክት - ትምህርት 15

የህፃናት ሕይወትና ጥቁር ሳጥን (Black Box):-

በሣህሉ ባዬ

(ክፍል 1)

         በመልዕክተ - ትምህርት ቁጥር 14መልዕክታችን የጨቅላ ሕፃናትን የስርዓተ - ነርቭ ዑደትና የአንጓል ውቅርን ምንነት ለማየት ሞክረናል። በዛሬው መልዕክታችን ደግሞ በሕፃንነት የእድሜ ክልል በጥቁር ሳጥን(Black Box) ውስጥ ያሉ መከራዎችን፣ መርዛም ጭንቀቶችንና ዘላቂ ጓጅ ተፅዕኗቸውን እንዳስሳለን።

 

          ወደ ፍሬ ነገራችን ከመሻገራችን በፊት መርዛማ ጭንቀት (Toxic Stress) እናአሉታዊ ተፅዕኖው ምን እንደህነ እንመልከት።በሃርቫርድ ዩኒቨርሲቲ የስርዓተ - ነርቭ ሣይንስ ባለሙያ የሆኑት ፕሮፌሰር ጃክ ሸንኮፍ እንዲህ ይላሉ። የሕፃናት ለመርዛማ የህይወት ስቃዮች (ድህነት፣ ግጭት፣ ጦርነት፣ በደል፣ እንግልት፣ አለመረጋጋት...) መጋለጥና በዘላቂ ህይወታቸው ስኬታማ ያለመሆን ዕድላቸው በእጅጉ የተቆራኙ ናቸው ይላሉ።

 

         ከሚስተዋሉ ዋና፣ ዋና አሉታዊ ተፅዕኖዎች ውስጥ የትምህርት አቀባበልና ውጤታማ ያለመሆን፣ የባህርይ ችግሮች፣ ከፍ ሲሉም ሥራ የመፍጠርና በኢኮኖሚ ተሳትፎ ውጤታማ ያለመሆን...ወ.ዘ.ተ ችግሮች ቀደም ሲል በተከናወኑ ጥናቶች የተተረገጡ ሲሆን በዘመናችን የስርዓተ - ነርቭ ስነ ህይወት ሣይንስ ዙሪያ የተካሄደው አብዮት ደግሞ በጨቅላ ሕፃን ነት እድሜ በሚያጋጥሙ መርዛማ የህይወት ፈተና ዎች ምክንያት የሚቀሰቱ መርዛማ ጭንቀቶች በጤና ላይ በዘለቄታ ስለሚያስከትሉት አደገኛና ገዳይ መርዝ ለመረዳት የሚያስችል አዲስ የምርምር ዓውድ ተከፍቷል።

 

          ፕሮፌሰር ጃክ ሸንኮፍ ስለ በጥቁር ሳጥን ውስጥ (Black Box) ውስጥ ስላለው መርዛማ ጭንቀት (Toxic Stress) ለማስረዳት ሃሳባቸውንመርዛማው ጭንቀት እንዴት ይከሰታል?በማለት ይጠይቃሉ።

 

     ጉዳዩ ይላሉ ፕሮፌሰር ዣክ ......”አንድ በማህበራዊ ቀውሶች የተሞላን ጥቁር ሳጥን (Black Box) ከፍቶ እንደመፈተሽና የህይወት መሰናክል የሆኑ መርዛማ ክስተቶችንና በገዳይ ተፅዕኗቸው መካከል ያለውን ትስስር አጥንቶ የተሻለ ግንዛቤ በማግኜት የመከላከያና የመፈወሻ መፍትሄዎችን ማመቻቸትነው”ይላሉ። ለዚህ መሰረታዊ ነጥባቸው ማጠናከርያም በሦስት ዓመት ሕፃናት ላይ የተከናወኑ ጥናቶችን በዋቢነት አቅርበዋል። እነዚህን የጥናት ውጤቶች በተከታይ ክፍል ለማቅረብ ቃል እየገባሁ ለዛሬ “ሰንበት ሰላም”በማለት እሰናበታለሁ።

መልካም መልካሙን ለሕፃናት!

ሣህሉ ባዬ ዓለሙ

የፕሮጄክት ማኔጅመንት፣ የሕፃናት እድገትና ሥነልቦና ባለሙያ

www.enrichmentcenters.org

 


  • SHARE IT ON

Comments

leave a comments

BECOME VOLUNTEER

“If our hopes of building a better and safer world are to become more than wishful thinking, we will need the engagement of volunteers more than ever.”