call us now

251 1 911 23 08 57 / 60 76 06

መልዕክተ ትምህርት 8

ሕፃናትና የሃገራት የኢኮኖሚ ዕድገት ትስስር

     መንግሥታት በሕፃናት ጤናማ ዕድገት ላይ የሚያውሉት ነዋየ - ፍሰት ከሃገራት የወደፊት ኢኮኖሚያዊ ዕድገት ጋር የተቆራኜ መሆኑን በርካታ ጥናቶች አረጋግጠዋል፡፡ ለምሳሌ Hechman,  J.J., Moons, S., Pinto, R., Savely ev, P., & Yavity, A., የተባሉ ተማራማሪዎች እ.ኤ.አ 2010 ዓ.ም “The rate of return to the high Scope Perry Preschool Program” በሚል ርዕስ ባሳተሙት የጥናት ሰነዳቸው ላይ “ጥራቱን የጠበቀ ቅድመ መደበኛ ትምህርት (Preprimary Education) የሚከተሉት ጠቀሜታዎች እንዳሉት ጠቁመዋል፡፡ ጥራት ያለው የቅድመ መደበኛ ትምህርት ያገኙ ሕፃናት፡-

  1. አድገው በስራ ዓለም ሲሰማሩ ኢኮኖሚዊ አሰተዋፅዖዋቸው የላቀ መሆኑ ታውቋል፡፡  
  2. የ1ኛ፣ 2ኛ ደረጃና የከፍተኛ ትምህርታቸውን የማጠናቀቅ ተስፋቸው ከፍተኛ ሆኖ ተገኝቷል፡፡
  3. በወንጀል ተግባራት የመሳተፍ ዕድላቸው በጣም ዝቅተኛ መሆኑ ታውቋል፡፡ 
  4. የሕፃናት የማሰብ ወይም የመጠበብ ችሎታቸው (IQ) ከፍተኛ ሆኖ ተገኝቷል፡፡
  5. የስጋት፣ ጭነቀት፣ ድብርት፣ ሁከት፣ ብጥብጥ ባህርይ ዝቅተኛ መሆኑ ተረጋግጧል፡፡
  6. አድገው በሚያገኙት የገቢ መጠን ከሌሎች ጋር ሲወዳደሩ በ50% ብልጫ አላቸው፡፡
  7. ዝቅተኛና መካከለኛ ገቢ ያላቸው አገራት የቅድመ መደበኛ ትምህርት ቅበላቸውን በ50% ቢያሳድጉ ሕፃናት አድገው በስራ መስክ ሲሰማሩ ለአገራቸው በአማካይ 33 ቢሊዮን ዶላር የትርፍ ጥቅም እንደሚያስገኙ ተረጋግጧል፡፡
  8. እስከ ሦስት ዓመት ዕድሜ ክልል ለሚገኙ ሕፃናት የስርዓተ - ምግብ ፖሊሲዎችንና በባለ ሙያ የታገዙ ወላጆችን የሚያነቃቁ ፕሮግራሞች የተገበሩ ሃገራት የ20 ዓመት ጥረታቸው ሲፈተሽ የፕሮግራሞቹ ጠቀሜታ የጎላ ሆኖ ተገኝቷል፡፡

     በሌላ በኩል ህይወታቸውን በስጋት፣ ችግር፣ መርዛማ የስነልቦና ጫናና ጭንቀት (Toxic Stress) የሚጀምሩ ሕፃናት ዕጣ ፋንታ የሃገራትን የዘላቂ ልማት ዕቅድ ማደናቀፍ መሆኑ ታውቋል፡፡ በአጠቃላይ የአንድ ሃገር ሥርዓተ-አሰራርና ማዘመን፣ የመሰረተ-ልማት ግንባታን ማከናወን፣ አዳዲስ ሃሳቦችን፣ ቴክኒኮችንና ቴክኖሎጅዎችን የመጠቀም ብቃት፣ ተፈጥሯዊ ሃብትን መንከባከብና ምርታማ መሆን፣ ህዝባዊ ተሳትፎ የማድረግ ተነሳሽነት….. ወ.ዘ.ተ የሚቻለው ንቁና ብቁ የሰራተኛ ኃይል ሲኖር ነው፡፡ እነዚህን መሰረታዊ ተግባራት ለማከናወን ደግሞ ሕፃናት የዘላቂ ልማት ዕቅድና ግብ ማዕከል መሆናቸውን ማመን ሲቻል ብቻ ነው፡፡ ስለሆነም በሕፃነት ጤናማ ዕድገት ላይ ከመሰረቱ ጀምረን በርትተን መስራት የሁላችንም ኃላፊነት ነው እያልኩ እሰናበታለሁ፡፡ ቸር ይግጠመን!!

መልካም መልካሙን ለሕፃናትና ለሃገሬ ተመኘሁ!!

ሣህሉ ባዬ ዓለሙ

የፕሮጄክት ማኔጅመንት፣ የሕፃናት ዕድገትና ስነልቦና ባለሙያ

www.enrichmentcenters.org

 

 

 


  • SHARE IT ON

Comments

leave a comments

BECOME VOLUNTEER

“If our hopes of building a better and safer world are to become more than wishful thinking, we will need the engagement of volunteers more than ever.”